Robert Lee's Page

Niam Txoj Kev Hlub( mothers day )

Txoj hmoo zoo - uas Vajtswv pub
Txoj kev Hlub - uas Vajtswv qhia
Niam thiaj cia - kuv nyob niam plab
Ua nra nyav - rau kuv niam ris
9 Lub hlis - kuv thiaj yug los
Niam tsis ntos - thiab niam tsis yws
Niam hlub plws - pub mis kuv noj
Kuv thiaj loj - ciaj txiv neeg yawg
Niam hlub kawg - kuv niam lub siab
Zoo li liab - Los niam tsis cem
Kuv niam ev - kuv txhua txhua hnub
Niam me tub - nws txawm lo quav
Niam yeej ntxuav - pub ntshis rau noj
Niam yeej coj - qhia rau qhov zoo
Niam txoj hmoo - thiab niam kev hlub
Niam muab pub - tag nrho rau kuv
Niam tsis khuv - xim niam txoj sia
Niam tsis cia - kuv hnav daim ntuag
Niam ntxiv ntxhua - tsis pub kuv tshaib
Ncej puab qaib - tshwj cia rau kuv
Txhua txhua hnub - cia kuv noj nqaij
Kuv niam tshaib - cia kuv noj tsau
Mob taub hau - Los kuv niam txhawj
Kuv tsis sawv - niam tsis tsaug zog
Ib tag hmo - niam tseem zov kuv
Kaj ntuj huv - niam tsis tau pw
Niam lub hws - nrog poob ntxaum av
Niam tiv tshav - tiv nag tas hnub
Vim niam hlub - niam tus me tub
Tshav ntuj kub - los niam tsis cem
Tej lub phem - los niam tsis yws
Niam khwv khwv - tiv tshav tiv nag
Niam laus tag - los yog vim kuv
Kuv ua nyuj - los niam siab ntev
Txhua txoj kev - uas kuv niam taug
Thaum kuv yau - niam hlub kuv tshaj
Niam thiaj npaj - txhua tsav txhua yam
Niam Kho pam - pub rau kuv vov
Thaum sawv ntxov - niam tsa kuv sawv
Niam rauv taws - ua mov kuv noj
Kuv thiaj loj - yog niam kuv hlub
Niam tus tub - yuav pauj tsis tag
Niam lub dag - lub zog rau niam
Tag ib tiam - ntshe them tsis taus
Txog hnub laus - niam tej nqi mis
Tag ib txhis - kuv yuav thov nco
Tag tiam no - kuv niam txhiaj ntsig
Tag ib sim - hauv kuv lub neej
Niam ib leeg - thiaj yog tus zoo
Txoj koob hmoo - ntawm Vajtswv ntuj
Uas koj pub - rau kuv muaj niam

Kuv thov qhia - rau nej txhua tus
Niam kev hlub - loj tshaj lub ntuj
Dav tshaj - hiav txwv

Vim Vajtswv - nws txoj kev hlub
Niam tus tub - yuav thov Vajtswv
Kom tus tswv - nyob nrog kuv niam
Tag ib tiam - niam tsis nuaj mob
Kom niam nyob - nyob kaj siab lug
Txhua txhua hnub - noj qab nyob zoo
Nrog lub xyoo - uas 2009
Kom niam muaj - txoj sia nyob ntev
Li tus dej - ntws tsis paub kawg
Niam tub ntxawg - thov ua koj tsaug Os kuv niam
BY: Robert Lee